永8舫 - 週末中午茶

食物：$$$$
環境：$$$$
服務：$$$$

若要我推薦中式的Weekend Brunch，呢度肯定會佔一席位。

雖不是酒店中菜廳，但論環境、服務與及餐具等細節，絕不遜於五星級酒店。而且，價錢仲，哈哈哈~

是真的便宜得令人發笑，收費$228/位，已包一碗翅、六款點心 (每款一粒，可彈性選擇)、腸粉、飯或麵，與及甜品，果真是賤物鬥窮人既年代。

每人先上一碗翅，我不吃翅的就沒有代替品，唯有讓埋俾席上愛吃翅的人，據說質素係唔錯的。

之後睇睇一系列的蒸點，蝦餃做成金黃色，咬落煙韌不黏牙，餡料足。燒賣披上黑色外衣，皆因這是黑蒜燒賣，飽滿彈牙，也真有絲絲黑蒜的氣息。紅菜頭粿色澤吸引，而且是麻辣味，不算太刺激，點到即止。各式點心都走新派路線，反而叉燒包係傳統的裂口版本，我喜歡！

牛肝菌素餃，晶瑩剔透，餡料滿滿，口感豐富。

接下來的幾款香口煎炸嘢，賣相好靚仔，蘿蔔千絲酥看得出的一絲一絲，質感鬆脆，蘿蔔清甜。春卷香脆，味道更加是意想不到的冬蔭公味，但又唔會覺得好奇怪。咸水角以啤梨造型現身，未食已經贏左印象分。

繼續都係香口嘢，腐皮卷加入松露醬，成件事更上層樓。海皇卷除了有滿滿的海鮮餡料外，特別之處係加入了娘惹的口味，好有驚喜。

腸粉外皮都算薄，至少可以看穿佈裡的餡料，蝦肉未食都知道爽口彈牙，牛肝菌素腸粉贏在香氣。

主食有炒飯或炆伊麵之選，好有去飲嗰個感覺。兩者都做得不俗，米飯粒粒分明，伊麵味道都好，要挑剔既係碎左少少。

甜品都有得揀，蛋白杏仁茶係上高級酒家的必然選擇，呢度個紅豆沙都幾岩我口胃。

都係果句，呢個價錢，呢個質素，還可以挑剔什麼?

提一提，佢晚市或者平日的中午，並唔係咁便宜，大家要做個精明消費者呀，除非你是食阿公的~

餐廳資料:
永8舫
灣仔軒尼詩道318號永倫立方2樓
21215188