La Volta - 手工意粉新時代

食物：$$$$
環境：$$$$
服務：$$$$

市道不景氣，但任何時候都會有奇葩出現，如近日在銅鑼灣新開的Pasta Bar，人氣非常旺盛。

能成為長龍店，自有其過人之處，主理人之一是大名鼎鼎的Roland Schuller ，佢曾經係The Drawing Room及Octavium 等米芝蓮星級餐廳掌舵，實力不容置疑。

今次佢既新作La Volta，走休閒的用餐路線，木材和石材為主調的裝潢，打造出輕鬆的氛圍，讓食客可輕鬆地享受各式手工意大利麵。

餐牌並唔複雜，一些小食，以及各式精緻的手工意粉，當然仲有經典的意式甜品。

率先登場的小食，係烤意式香草麵包，上面鋪著香滑 Burrata 芝士，並澆上松露蜜糖，麵包夠香邊邊位夠脆之餘， Burrata 芝士的層次與味道均是十分豐富。

香脆的Croquettes，餡料是軟糯的牛尾，沾上醒胃的羅馬莎莎醬，吃罷完全沒負擔。

牛肉他他據聞用上意大利西北部 Piedmont 地區的 Fassona 牛來製作，廚子加入恰如其分的調味，令層次更突出，卻又不會搶去主角的風采，很喜歡這道前菜。

前菜的水準出色，意大利麵就更大可放心，多款手工意粉，各有特色，唯一要擔心的，可能就是選擇困難症發作。先吃晚市限定的Egg Raviolo，巨型的意大利雲吞內餡中央包了一整顆蛋黃，另外的香滑餡料就是Ricotta 芝士與菠菜打造而成。煙韌的外皮，切開那流心的效果，細滑的餡料，濃香誘人。

個人一向對煬韌的Gnocchi 情有獨鍾，這裡除了麵糰的口感理想外，由三種不同豬肉部位慢燉而成的豐腴肉醬，更能收畫龍點睛之效，可口！

再來的Mafaldine ，邊邊有如鋸齒，以西蘭花打造而成的青醬，比城間嚐到的更加清新，為大眾帶來新穎的味蕾體驗，而且這款是素食，素食人士亦可放心享用。

有我在，當然少不了甜品環節。Chef Roland 的招牌香梨撻，酥皮鬆脆，香梨清甜，配合自家製的雲尼拿雪糕，冷熱交融，精彩~

最後就係經典的意式甜品提拉米蘇，濕潤可口，家庭式的味道，大滿足。

午餐原來更抵食得誇張，2-Course $148，3-Course $178，仲已包咖啡/茶，會唔會太屈機?

餐廳資料:
La Volta
銅鑼灣蘭芳道9號地舖