食物：$$$$
環境：$$$$
服務：$$$$
好幸運，八月仍然食緊生日飯，今次係食下午茶。
地點為 Epure，這所連續七年勇奪米芝蓮一星的店子，我想吃好耐。
餐廳設計以法國皇帝路易十六的狩獵行宮為靈感，好有格調，其實呢啲星級「街檔」，環境絕不輸酒店。
翻閱餐牌，下午茶有兩款，價錢相差接近一倍，最大分別在於有香檳與及魚子醬。我一向唔係要食左人隻車的，所以選擇了較便宜的The Blooms Set。
就是盛載食物的下午茶架，也比不少五星級酒店的三層架更精美，未食已贏得印象分。由咸點開始講起，蟹肉三文治係一口Size，上面有點點青瓜及西柚作點綴，份外精緻。對於素來愛吃風乾火腿既我而言，西班牙火腿南瓜撻是唔會輸的。Croque這半溶芝士跟火腿的組合，都係相當穩陣。莓果鵝肝多士看上去似甜點，但吃下就是滿口鵝肝醬的香。然而，我最喜歡的，是這檸檬蛋白餅配紅心蘿蔔，大概也是我首次嚐到的組合。之後兩層就係甜點。其實不論是椰子朱古力撻、蕎麥咖啡蛋糕、金磚蛋糕以及伯爵慕絲蛋糕，甚或是馬卡龍，均加入了什莓的原素，令成件事多一份清新感覺，吃起來沒那麼膩。我特意吃留下一顆馬卡龍，來配結尾的一杯咖啡，這是最高的享受。估佢唔到，就係呢度既Scone，竟然如斯美味。不過，更加估唔到既係，佢配既忌廉，不像是平日嚐慣的Clotted Cream，而係Sour Cream，朋友不太接受，唯有只塗果占來伴之。手中的澳白，雖然拉花唔太漂亮，味道卻比預期中好喝，有驚喜～多謝朋友既細心安排！
Happy Birthday!
回覆刪除