Parkside @Nina - 超美的木化石主題餐廳

食物：$$$1/2
環境：$$$$1/2
服務：$$$$

作為荃灣老饕，當然會不時搜尋區內有咩新嘢食，正既話再公諸同好。

如心園這全亞洲最大的木化石公園，可說是荃灣近期的新景點，公園旁開左間新餐廳Parkside，想同大家分享下。

與NOC同一入口，前面部份係飲咖啡，後邊才是Parkside，可以用超靚去形容呢度既裝潢，特別是在荃灣，無出其右。

仲有戶外位置，俾大家坐在公園旁享受美食，不過呢度三十幾度既氣溫，都係坐番入室內有冷氣既地方，為上策。

身水身汗，飲杯凍嘢最實際。Fossil Flurry 是餐廳為徹合木化石公園為主題而設計出來的招牌飲品，Oreo、忌廉及奶等的材料，幾飽肚。

與其煩惱吃什麼，倒不如直接來個tasting menu。意式牛肉薄片，賣相相當精緻，入口軟嫩，夾埋辛香的火箭菜同吃，仲正。

多年前曾在某新派中菜館嚐過川辣西瓜，是意想不到地出色。今時今日，或許已不用再清晰細分餐種，在這裡也可嚐到這好東西。清爽多汁的西瓜，滲出絲絲的花椒油的麻香，是久違了的精彩味道。

是夜有兩款湯，北海道粟米薯仔湯，是好穩陣的選擇。然而我卻好想試試廚師的創意新作，喇沙泡沫濃湯，幾濃香的味道，辣勁從後湧出，有趣！

風乾火腿磨菇薄餅，邊位好脆口，火腿、磨菇及火箭菜的組合，又好難會失手。

虎蝦捲意粉，看似平凡的一道，特別之處是廚子下了紅酒糟來調味，吃起來有幾分似紹興酒的味道，估唔到跟西式既意粉毫無違和感。

烤雞做到皮香肉嫩，吃起來唔會太乾，連雞胸位都沒有很嚡口，重點是惹味的Piri Piri醬，令成件事更上層樓。旁邊的薯條新鮮炸起，自然不會是「茄哩啡」。

兩款甜品，椰棗焦糖布甸，味道沒想像中咁甜，特色木化石朱古力餅，故然又是為公園而專門設計的款式。

餐廳資料:
Parkside @ Nina
荃灣楊屋道8號如心廣場1期2樓201號舖