一浪 - 遇見店長Olly~

食物：$$$1/2
環境：$$$$
服務：$$$$

身邊的朋友都很好，去完旅行就話要拎手信俾我，索性搵間Cafe坐低吹下水。

對方介紹左呢間叫一浪的Cafe，每逢週末，柴柴店長Olly都會係度當值，當然佢只能守在近門口的位置。

朋友問我有無興趣探下狗狗，就咁決定~

到店既時候，見唔到店長Olly，店主話佢去左沖涼扮靚，晏少少會返。於是，我哋先坐係入面冷住冷氣飲住嘢，邊傾邊慢慢等。

叫左件抹茶卷蛋大家開心些牙，卷蛋尚算軟熟，抹茶味幾濃厚。

天氣太熱了，我唯有放棄咖啡 (總覺得咖啡要熱飲才好飲)，改要杯鳳梨梳打。唔太甜，幾解渴的。至於朋友就要左杯充滿馬來風情既Kopi Dinosaur，其實即是咖啡加美祿粉，真係估唔到香港的Cafe會有此品供應。

大家仲可以買份狗狗食物去請店長Olly吃的，我哋今次就買左份鲷魚燒，佢一有嘢食就即刻乜都得了，哈哈~

都有唔少狗友帶埋佢哋既主子來嘆，是幾有趣的地方。

餐廳資料:
一浪
大角咀利得街26號地舖
35952567