Rempah Noodles - 貴，但仍會回頭！

食物：$$$$
環境：$$$1/2
服務：$$$1/2

香港有海量既星馬餐廳，做得真正好的卻沒有多少間，呢家Rempah Noodle係我嚐過最出色的一間。

因為對口味，所以幾乎每個月都會去翻兜一次，尤其當我諗唔到想食咩既時候。

環境光猛，有個開放式廚房，是餐廳的最大賣點。然而，佢絕對唔係坐得舒服，因為大家都只係坐圓櫈仔。

食物選擇亦偏少，來來去幾款，十隻手指數得晒。

收費也絕不便宜，一碗喇沙過百，當然佢收得你呢個價，賣相是花過心思咁俾你。湯頭很濃亦杰，味道微酸，辣勁就是我可接受的範圍之內，再滲出陣陣椰香，係醒胃好食。麵條不是參參，而是像較粗身的米粉，質感我是喜歡的。蝦、雞絲、豆卜及蛋等材料，跟當地的沒太大分別，總的說是出色的，只是收費是有點進取。

呢度既咖央多，我有理由相信係全港最好食的咖央多。多士超鬆脆，咖央醬細滑，無食過既朋友要多一嚐。

飲品方面，多半我會喝拉茶，但有時天口太㷫，來杯青檸冰茶，都不蠻不錯的選擇。

你問我呢間貴唔貴，是貴！但若你再問我會唔會回頭，我仍是會的，除非能在別處找到類近水準的出品。

餐廳資料:
Rempah Noodles
灣仔軒尼詩道18號地舖
36184863