食物：$$$1/2
環境：$$$1/2
服務：$$$$
以前朋友約去8度海逸食自助餐，我有可能會推，畢竟地點太吊腳，收工來到，大概只剩下甜品可以選擇。
無可否認，有左港鐵站後，呢度係方便左好多。宋皇臺站走過來，只是數分鐘。
今期做緊海鮮主題，懶到出汁既我，其他就唔多講，主力睇下呢度既海鮮了吧！
香港人食自助餐，第一件事總會問有無生蠔供應。我可以答你，呢度有！兩款生蠔有港人至愛既法國代表，同時亦有口感較Creamy既美國蠔，大家悉隨尊便。當然，除了生蠔，還有一系列的凍海鮮，如青口、海蝦、海螺，與及肉厚味鮮的長腳蟹。
刺身壽司呢啲基本嘢肯定有，甜蝦亦比坊間一般的自助餐出品優勝，可多吃兩隻。
冷盤都幾吸引，一般煙三文魚及各式Cold
Cut之餘，海鮮沙律亦佔上幾盤，仲有我大愛既泰式鳳爪，有理無理吮兩隻再講。
燉湯係呢度既強項，是晚的為花膠螺頭燉雞，用料毫不欺場，喝起來清潤可口，不過我要留肚，一盅同朋友兩份就剛好。
飲緊個湯，店員奉來每人半隻的泰式龍蝦。大概是顧及了大眾的口味，辣度並唔會強得令人噴火，反而是酸酸甜甜幾醒胃，結合肉嫩又爽彈的口感，在自助餐桌上嚐到這水準，已收貨有餘。
燉湯之外，是夜的另一焦點，要數到醬燒飽魚。生猛既鮑魚放在燒爐上，加上醬汁慢慢燒，肉質保持鮮嫩不韌，醬汁亦將鮑魚的美味度大幅提升。
熱葷亦出現了唔少海鮮之蹤影，譬如話開煎三文魚配香檳汁、白酒煮青口等，不過愛香口嘢既我，惹味既咖喱蝦才是重點，如果可以整碗白飯來送就無得彈。
隨手夾兩件燒味，再來些蒸魚，可以跳到甜品環節。
各式蛋糕一向是這兒的賣點之一，雖然今次找不到香蕉朱古力蛋糕既蹤影，不過仍有唔少其他款式，水果啫喱蛋糕影相打卡岩晒，Oreo芝士蛋糕為重口味朋友而設，經典款式要數到芒果拿破崙。各位榴槤迷要留意喇，呢度真係有榴槤慕絲蛋糕的！
整多隻葡撻，以及抹茶朱古力心太軟，滿足而歸。
朋友仲大讚呢度既窩夫，不過我實在無能為力了~
上酒店Eshop訂枱有著數。
沒有留言:
張貼留言