2022年12月8日 星期四

小神燈新派飯館 - 玩味食味俱備



食物:$$$$
環境:$$$$
服務:$$$1/2 

好日唔入下將軍澳,對該區的食肆資訊,掌握有限。

原來除左海邊嗰堆餐廳,彩明都開左間新嘢,叫做小神燈新派飯館。若不是朋友報料,我亦懵然不知。

裝修充滿玩味,且看是否搞噱頭的傢伙!

先整個香汁鴨舌來熱下身,是買少見少的全鴨舌,入口軟腍,又夠入味,蠻不錯。

跟住嚟兩款燒味,燒鵝皮黑漆漆,皆因這是黑松露燒鵝。端上桌時香噴噴,皮脆肉嫩兼備松露香,唔單止人不可以貌相,鵝亦然,難怪是店家招牌菜色。

叉燒都唔係揸流攤,用上伊比利亞豬,來個厚切,質感軟腍,滿載蜜香。伴住既唔係蜜豆,而係漬蘿蔔,我倒是第一次見呢個配搭,又幾有效中和膩滯感。

脆鱔真的夠香脆,厚肉,配以適度既蜜汁,呢味要大推!

愛吃香口嘢既筆者,連續叫左懷舊蝦多士,與及酥炸廣島蠔。前者比坊間的要大塊一些,乾身鬆脆,蝦肉彈牙,滿意。

酥炸廣島蠔亦不甘示弱,做得酥脆不硬,粉漿唔會勁厚,廣島蠔味鮮,結果我吞下了三隻。

天氣涼涼地,大家商議過後,與其來碟炒麵飯,倒不如來客羔蟹糯米飯。

打開煲蓋,又是撲鼻而來的香氣,糯米飯口感幾好,帶微甜,撈埋豐盛既蟹羔同吃,邪惡一點又何妨? 最多跑多兩個圈贖罪。

最後整個蟹肉波菜豆腐盒來平衡下,岩數!估唔到連個菜蔬都咁呃like,正確點來說,是內外兼備既好東西。

阿妹住將軍澳,睇嚟佢可以多一個飯堂。


餐廳資料:
小神燈新派飯館
將軍澳調景嶺彩明街1號彩明商場2樓251-252號舖
2506 0428

1 則留言:

  1. 呢餐睇落幾正😋😋,咁你得閒多啲去探阿妹,再一齊去食過啦😁

    回覆刪除