食物：$$$$
環境：$$$$
服務：$$$$
發覺好耐無食過Fine
Dining，忽然間好想食番餐。坐言起行，即刻睇下邊間有興趣又訂到位既，就訂枱。
然而，家陣愈貴既餐廳愈難訂位，尤其是weekend，等一、兩個月係等閒事，好不容易才訂到了中環既Estro。
餐廳環境舒服而唔拘謹，連口罩套設計都高貴過人，未食已經贏左印象分。
甫坐低，店員便拿來幾款精緻又美味既悅口小食，不論是長條型，以茄子作為主調的一款，抑或係方型那件香脆，配酸酸辣辣蕃茄醬的一款，都是有心思又開胃好吃。
今時今日真的不用實體餐牌，就算係Fine
Dining餐廳，也可嘟QR
Code來睇。
柯打完嘢食，麵包籃便送來。就是橄欖油已經有四款，經店員介紹過後，我決定要風味最強烈，白色既呢樽普利亞橄欖油，有點點果仁既香，配Focaccia好夾。Sourdough，同埋個迷你版本既脆酥，亦好有驚喜。
我哋都揀左四道菜既午餐。有兩個頭盤，一客Pasta，以及一款主菜。頭盤之一，係帶子。北海道帶子肯定細嫩鮮甜，柑桔打造而成既汁醬令味道更突出，連同薄薄而有咬口既椰菜花片一齊食，口感更豐富。
另一款係要加錢轉既魚子醬。聽店員介紹，廚師將紅蝦蝦頭既羔煮至軟羔狀，混入新鮮紅蝦肉，頂頭再舖上魚子醬，單係賣相已相當矜貴。
店員建議一啖過要食晒三樣嘢，紅蝦既鮮甜與魚子醬之咸香沒有水火不容，反而擦出火花，鮮上加鮮，好正！
兩款Pasta在型態與口感上都有所不同。先講Gnocchetti，質感煙煙韌韌，與煙燻過既沙甸魚，渾然天成。
另一款南瓜意粉，好重橄欖既氣息，但又唔會死咸，重點係超有咬口既口感，完全係平凡中見真章。
珠玉在前，主菜既Seabass就顯得比較平庸，但佢唔係唔好食架。
澳洲牛肉睇色水都知係好嘢，入口鬆化，脂香比預期中更加突出，沾埋個牛肉汁，精彩。
四道菜餐單就此完結，不過有咁出色既咸點，無理由唔加錢食甜品卦！
不論係清新砌我像花的，抑或係濃郁朱古力為主角既甜點，都係有水準既。
最估唔到，係petit
fours既開心果雪葩都係超濃郁好吃，就連我呢個平日唔太熱衷於開心果既人都要大讚。
最後飲埋杯咖啡，唔經唔覺食左成四個鐘。
係，呢度都係，越貴越難訂位。
回覆刪除好痴線。D高級餐廳仲要愈來愈貴
刪除