2022年10月24日 星期一

和藏 - 新竇



食物:$$$$
環境:$$$$
服務:$$$$ 

忙到九彩,收工同朋友去氣氛輕鬆的地方,無拘無束咁享受美食,大概是最開懷的時光,居酒屋是不錯的選擇。

朋友告之,上環有家新開的居酒屋,那就擇個日子,來輕鬆一下。

店子介乎上環與西營盤站之間,我覺得係上環站行過來,會近啲啲。

地方不大,仍設有一個 VIP房,下次商務飯局可以諗下呢度。

梗係要出去睇下冰櫃有咩新鮮食材,我一眼瞄準正值時令的秋刀,朋友對粒具和生蠔都有興趣,結果全部成為我們的囊中物。

難得盡興,朋友建議來套Sake Flight,有薰、爽、醇、熟,四款口味的清酒,即管飲少少喇!

大家乾一杯恭祝友誼~

既然飲酒,就要有佐酒小食。這裡的漬物真的好,牛蒡與蘿蔔預期出色,蕪菁口感岩我心水,全部都漬得夠入味,尤其喜歡微辣中帶甜的蒜頭,懶理吃完之後『呵氣如蘭』。

先整個刺身盛合,帆立貝、深海池魚、蜜柑鲷、牡丹蝦及拖羅,件件吸引。席上有人不嚐魚類,那就由她包辦帆立貝和牡丹蝦,佢食完後直榿拇指大讚。爽身又有個性的深海池魚一向是我杯茶,入口溶化的拖羅,我能抗拒嗎?

刺身繼續來,是朋友剛才揀好的粒貝。爽脆的口感很討好,輕輕醮點鹽來引出鮮味,倒是不錯。


此時,我揀既秋刀都要上場了。合時的秋刀總不會令人失望,有人愛夾點薑蔥同吃,我就乜都唔使,原汁原味。

是日嚐的北海道生蠔,廚子還加入了帆立貝和三文魚籽,與及重點的酸汁,成件事好精彩,特別是匣酸汁,巧妙地引出生蠔的澎湃鮮味。

灸燒吞拿魚背肉,吃緊要連同頂頭的炸蒜、洋蔥及芝麻漬一同放入口,無昆你的。

喜歡牛肉他他的粗獷個性,放在香脆的紫菜之上,絕不簡單。

不單是刺身,和食都做得好有水準。來居酒屋必點的雞肉棒,口感實在但不死實,沾上蛋汁,仍合心意。

沖繩的阿古豬,向來是質素的保証。豬皮不但骨膠原豐富,仲燒得香口,真係不得了。

華味鳥賣相平平無奇,吃起來就知雞不可以貌相。皮爽彈,肉嫩口,搭埋柚子蘿蔔茸一齊食,滋味倍升。

飽到幾乎獲利回吐,不過呢味五卵卡邦尼烏冬又真係點都要食少少。Creamy之烏冬,結合雞蛋、明太子、海膽、三文魚籽與及烏魚子,無可抗拒。


餐廳資料:
和藏
上環干諾道西48號干諾中心1樓
37517031

4 則留言: