The Farmhouse - 任食四粒鐘

食物：$$$1/2
環境：$$$$
服務：$$$$ 

疫情有無改變大家既生活/ 飲食習慣?

我呢! 呢兩、三年都無乜食過自助餐。

難得有人相約食自助餐，而且又係我未去過既Hyatt Centric，那就一於去見識下。

$668就可以由6點食到10點，經官網訂仲有八折，又唔貴喎!

由Cold Cut開始吃起，莎樂美腸、西班牙火腿等基本嘢肯定有，我仲幾推薦煙燻三文魚，係酒店自家醃製，另外三款芝士有軟有硬，夾餅乾配杏甫肉，蠻好。不過，最有睇頭還是師傅即場為大家弄的沙律菜，會配上半舊的水牛芝士及車厘茄，坊間很少自助餐可以吃到。

來之前已聽其他朋友說，凍海鮮係呢度既強項，專攻凍海鮮即可。

開邊龍蝦、蜆、海蝦、翡翠螺等，不過唔覺有港人至愛既生蠔。麵包蟹成為了焦點，好爆羔，可以encore半隻。

平時或者略過的日本食品，今次嚐了些少。刺身要比壽司出色。炎炎天氣，來一碗清爽的冷麵，很爽皮。

燒味要瞄準時機，第一次出去望既時候，只剩下半盤瘦瘦的。還幸好快就有refill，新出場的正好半肥瘦，又夠熱，有驚喜。其餘仲有油雞、紅腸等。

有小量中式點心選擇，個人認為蝦餃比燒賣優勝。其他的中式熱葷，淺嚐了蒸魚、龍蝦伊麵等，可以的。

以自助餐水準而言，燒牛肉同埋豬腩卷唔錯，食肉獸表示滿意。另外也有比較少見的串燒。吃些串燒，加件燒菠蘿，幾有風味。

每間酒店的自助餐，都總會有印度食品既corner，呢度亦唔例外，而且羊肉咖喱是頗得我心的。

粉麵檔度度都會有，這裡的特別之處，在於可以吃到四川風味既擔擔麵。

甜品方面，酒店自家製的雪糕當然不容錯失，各式蛋糕之中，我最欣賞就是Charlotte Cake。

後生時食Buffet，或者會近乎獲利回吐才肯收手。家陣唔同了，適可而止，免得自己辛苦。

餐廳資料:
The Farmhouse
北角北角邨里1號香港維港凱悅尚萃酒店西座2樓
38969896