2022年8月31日 星期三

Le Garcon Saigon - Quality Time



食物:$$$$
環境:$$$$
服務:$$$1/2 

識於微時的老友今秋便會移居外地,盡量把握機會,見得一次得一次。

今次約埋中學班主任一齊聚聚,地點當然要就老師,在灣仔一帶最合適。

最愛日、月、星街,環境寧靜,附近的餐廳皆有水準,就算隨手選一間,都包無死。

找來了這家法式越南餐廳Le Garcon Saigon,裝修好有特色,係個好岩feel既地方。

先整兩份沙律,打開胃口。茄子沙律清新,但我更喜歡魷魚沙律,魷魚不過韌,吃起來更豐富有層次。

豬筋骨一端上桌,就是無盡的香氣。鬆化的豬筋骨吃過不少,但多半是配以帶略帶甜的燒烤汁醬,估唔到伴越南咖啡打造而成既汁醬,會是如斯吸引。旁邊的蘿蔔片,正好來個中和。

沖繩豬肉,用上梅頭部位,入口鬆化,加左錢要份米紙,包裹著梅頭、菠蘿、青瓜等,沾些魚露,是在炎炎夏日的最佳食法。

或許有些人會覺得吃牛骨髓口感好肥膩,從而錯失了這極品。廚子將八爪魚切片,放在牛骨髓之上,吃時撈勻,又香,口感又豐富,八爪魚當然亦沒有過韌,真的太欣賞呢個組合,好想再來一份。

好想坐耐一陣,傾多幾句,所以柯打幾款甜品。燉蛋很滑,焦糖味亦重,我就是喜歡佢去得夠盡。朱古力蛋糕同樣是濃郁,吃甜品本就應該要這樣。

斑蘭多士本已好吃,鋪上香蕉片,比想像中更出色。

由十二點食到人家落場,仍有說不完的話題,索性漫步日月星街,繼續雞啄唔斷。

每次同呢位老師聚過頭後,總好像會被打通任督二脈咁,昇華到另一層次。


餐廳資料:
Le Garcon Saigon
灣仔永豐街12-18號地下
24552499

3 則留言: