食物：$$$$
環境：$$$$
服務：$$$$
位於銅鑼灣駱克駅20及21樓既心烤，原來同樓上兩層既心燒食堂係同一個腦細，賣緊既嘢亦差不多，換言之，佢佔左該食廈既四層，都咪話唔巴閉，我要去會一會佢。
你一言我一語，好快就揀齊心水嘢食。薯仔沙律入口軟綿，混入雞蛋、青瓜及煙肉粒等，層次豐富又夠香，面頭仲加幾塊薯片，真心正。
清酒煮花甲，隻隻鮮嫩無沙，唔會甩皮甩骨，成碗裡面有一隻無開口，我覺得可以接受。
在座有南蠻雞既粉絲，又來一客。用手拿起大啖齒落去，鬆脆肉嫩，好Juicy，就咁食都已經正。加埋醒胃既蛋黃南蠻醬，中和油膩感覺，唔錯。
南蠻炸雞當然未算邪惡，再邪惡既雞皮餃子及雞皮蝦滑跟住要出場。新鮮出爐，熱得燙咀巴，無乜可能會唔好食。
雞皮蝦滑同樣是要小心翼翼地進食，香脆既雞皮與蝦滑Q彈既口感，層次比雞皮餃子更加豐富，我更喜歡。
辣味噌牛煮物都好惹味，辣度其實溫和，但牛雜吸收晒味噌既精華，入味好吃，紅蘿蔔都唔可以錯過。如果可以有埋牛肺，會仲正。
牛脷比想像中來得大串，睇見都興奮。香噴噴既牛脷，入口爽脆彈牙，唔會過韌，依家睇番都流口水。
炸墨魚咀無貨，按店員推薦改要炸蟹。曾經試過被呢啲蟹拮到牙肉，留下陰影。好彩今次既蟹幾香脆，唔會硬轟轟，連蟹腳都鬆脆，我才放心的吃第二、第三隻。
生怕吃不飽，要多碗櫻花蝦炒飯，確保盡興。櫻花蝦夠慷慨夠香之餘，米飯亦炒得香口，飯粒分明，再有啲蔥香同埋紫菜香，絕不失禮。
無飲啤酒，飲汽水一樣滿足，檸樂價錢同可樂一樣，無理由唔飲檸樂啫~
氣氛輕鬆，嘢食OK，價錢合理，難怪可以佔據四層。呢度，應該會成為我既飯堂之一了。唔知第日有無機會係度遇到大家?
雞皮蝦滑，聽到都覺正！
回覆刪除呢間真心正
刪除勁想食雞皮餃子。
回覆刪除佢唔到呢間嘢咁正~
刪除