食物:$$$$
環境:$$$1/2
服務:$$$1/2
長沙灣呢間大丈夫食堂,只是平民餐廳,但連蘇絲黃都介紹,谷德昭也專程去吃,肯定是有其過人之處。
其實,早在店子仍在福榮街的年代,我已經幫襯過,反而搬左過嚟元州街,我就未曾有機會到訪。
新店比以前大得多了,咁先似是食堂嘛!Any肥,快快脆用手機落單,肚餓呀!
叫左份壽司烏冬套餐,以及馳名的吉列豬扒套餐,大家些牙食。烏冬餐跟上沙律,茶碗蒸,後者夠熱亦夠滑,倒是不錯。沙律就嫌清淡了些少,若Dressing可多番啲,就好。 幾十蚊既套餐,當然不會要求壽司有Omakase的水準,大概就是某人氣連鎖迥轉壽司店的水平吧!個人覺得玉子那款是比較好。 烏冬是迷你份量,質素合乎預期,那片腐皮反而是偏甜,但都可以接受有餘的。 主角始終是吉列豬扒,一百零幾蚊既吉豬套餐,有咁大塊豬扒,已經無咩好投訴。色澤金黃,外層鬆脆,肉質鬆化,亦夠厚身,不比吉豬專門店輸蝕。椰菜絲沾上胡麻醬,清爽可口,有助解膩。街坊價錢,專業水準,難怪有唁少外區客專程來拜訪。
以前我麻麻地吉列豬,但自從喺日本食完又愛上咗!
回覆刪除係日本真係食咩都會愛上架 XD
刪除吉列豬扒好正啊~
回覆刪除又抵食
刪除又抵食
刪除