2022年5月23日 星期一

凱悅軒 - 車軚人的漏網之魚



食物:$$$$
環境:$$$$
服務:$$$$ 

社交距離措施逐步放寬,大家既生活開始慢慢回復正常,當然也包括食啦!

又半年有多沒到訪過凱悅軒,今次來試試黃師傅既幾款新菜。

疫情呢段時間,我發覺好多地方都推出了本地食材既菜色,呢度都唔例外。清甜爽脆的淮山條,師傅用咸蛋黃為佢披上金縷衣,層次和味道爆升,懶理膽固醇超標,食兩條先才講。

五個人,相信可以應付到一隻龍蝦的,所以要來了一道醉龍臥雲,其實即係花雕龍蝦。龍蝦肉彈牙,十五年花雕加埋鴨蛋黃造成既汁醬,又香又滑,與龍蝦很匹配。咁正既醬汁,一定唔會浪費,師傅另墊幼滑既粉皮,充分吸收晒精華,好食到不得了,大推!


壽參藏珍,係將懷舊既蝦子扎蹄釀入爽滑既關東遼參之內,再將之炸香。呢道當然係手工菜,口感豐富之餘,外層微脆係特別吸引,另外蝦子既咸香亦令味道更精彩。不特止,配埋雞、鴨、豬肉等熬成既黃湯,才是一絕。

跟住嚟既雞,上枱時充滿椰香,有幾分像打邊爐的椰子雞鍋。當然,佢唔係咁簡單。雞肉嫩滑之餘,仲有本地既鮮百合、毛豆和紫淮山作點綴。不特止,墊底的蛋白,係混入左竹絲雞同埋椰漿及椰青水去打造而成,香甜細滑的來又健康,而且很花時間。呢份鴛鴦雞,食得過。

一向喜歡花生苗,那爽脆的口感最得我歡心。師傅將佢用來炒本地的黑毛豬,其柔嫩多汁,肉味濃郁的口感與味道,跟花生苗實在夾,再配合少許欖菜之咸香,更能突出菜色既鑊氣,同埋花生苗既吸引力。

最後都要食個菜,碧螺春蝦崧浸涼瓜皮,食落唔會只係得涼瓜既甘苦,而係層次豐富,吃得舒服一道菜蔬,殊不簡單。

甜品係每次來凱悅軒必點的酥皮流心盞,集菠蘿包皮、湯丸及撻皮於一身的甜點,口感自然豐富,中間又有流心奶皇,真的超好吃,一粒其實唔會夠喉的。

常說凱悅軒的質素,唔會比其他米芝蓮星店遜色,大家試過就會明白。


餐廳資料:
凱悅軒



4 則留言: