2022年5月3日 星期二

森美餐廳 - 堅懷舊鐵板餐



食物:$$$1/2
環境:$$$1/2
服務:$$$1/2 

相約中學師兄食飯兼收風,那就揀間歷史有番咁上下既餐廳,咁先有聚舊既感覺嘛~

西環呢間森美餐廳,年紀比我還要大,佢個牛牛形狀既霓虹燈招牌,依家放左係西九M+博物館,算係搵到個好歸宿。

踏入像回到幾十年前的牛扒屋,嘢未食,師兄已經說我無揀錯地方,有時就係要嗰份情懷而已。

紅白湯好快送來,有人話來到一定要飲羅宋湯,不過今次比較淡口,反而忌廉湯幾Creamy既,加埋個經典牛油餐包,平凡但滿足。

午餐其實幾十蚊有交易,難得一場來到,幾歹要份馳名既鐵板餐,都係百幾蚊啫。鐵板鑊仔牛柳,牛牛形狀的鐵板奉上本來會加印象分,可惜沒有在我面前倒汁的過程,是整餐最失望的地方。

份量係無得挑剔,肉質係軟腍到甚至有少少失真,汁醬有點太咸,但其實呢個質素絕對對得住個價錢,墊底既翠玉瓜及薯條等被我全清掉。


以物易物,用一塊牛扒 (原本有成三塊!!!) 換左一件羊架。呢份羊架餐成兩舊水,比起我既鐵板仲要貴。味道可以,以少有應有既羊羶香,可是烹調稍為過火,未算高質。

杯咖啡唔濃香,又帶酸味,唔合心水。

早知飲可樂仲好~


餐廳資料:
森美餐廳
西環西營盤皇后大道西204-206號地下
25488400

4 則留言: