多爽 - 五十元的抗疫餐

食物：$$$
環境：$$$
服務：$$$ 

抗疫餐系列

大集團如牛角、稻香等都選擇全線無限期停業，小商戶就更加不知所措，拉閘又死唔拉閘又死，唯有推出平價打疫套餐，做得一蚊得一蚊。

呢間在荃灣廣場對面的多爽，午餐抗疫瘋狂價，五十個大洋，包餐湯連飲品，反正未吃過，即管試下。

疫情期間，獨立包裝的餐具，讓人吃得更放心。

午餐包的餐湯，花生雞腳湯，至少俾隻軟腍既雞腳你，並不是例水貨色。

試過南洋咖喱厚切牛脷飯，咖喱汁並不香，牛舌真的厚切，個別卻很韌，薯仔亦唔夠粉，反而欖形的白米飯，最有心思。

姑勿論海南雞飯是否正宗，味道如何，五十蚊吃到海南雞套餐實在划算。

吃一口雞，肉質總算滑，三色醬調味也正常，配角竟還有韓式泡菜，不過質素有待改善，我只吃了三兩口便收手。

估唔到杯奶茶反而幾好，有茶香又夠滑。

或者依個時勢，大家都唔應該要求咁高。

餐廳資料:
多爽
荃灣大壩街53號地舖
92673020