鮨一 - 暫時止止癮

食物：$$$
環境：$$$$
服務：$$$1/2 

一條友，忽然壽司癮起，呢家咁既時勢，梗係想食就食啦~

以我既性格，獨食的話總不會花費太多，唔會洗一、兩千蚊去高級鮨店食Omakase。

荃灣呢間平民店鮨一，開左好一段日子，我仍從未試過，不如去會下佢?

被安排坐壽司吧枱，我當然無所謂，睇師傅表演都好治癒呀，雖然呢度唔係咩高級鮨店。

看見刺身櫃裡的出品，似乎都吃得過，肚子餓子，即刻落個壽司套餐吧~

午餐跟前菜、沙律以及味噌湯，喝一啖湯，偏淡口，幸而湯頭都夠熱。是日前菜係我喜歡的味付螺肉，好快便給我秒殺。

沙律菜未算特別新鮮，不過今時今日有菜食已經要感恩，況且沙律配以胡麻醬，就唔會衰得去邊。

奉來的六件壽司，自然不會是什麼貴價刺身，最矜貴大概就是帆立貝了。各式食材大致新鮮，但飯糰比較細，感覺也很港式，偶爾吃一次當止下癮就算罷~

烏冬可揀熱或者凍，還是要碗熱食的好。口感不算滑，亦唔得煙韌，但涼涼地天氣整番碗烏冬，總算舒服。

待限聚令放寬，才跟大家去食餐好既Omakase吧！

餐廳資料:
鮨一日本料理
荃灣大壩街79號地舖
22433028