2021年12月20日 星期一

Chef's Cuts - 飲飽食醉



食物:$$$$
環境:$$$$
服務:$$$$ 

屯門黃金海岸,總予人一種悠閒渡假的感覺,你同意嗎?

對於某些朋友來說,這裡是個山旮旯既地方,不過於筆者而言,倒是蠻方便,在家門口就有巴士站,校岩時間跳上車,廿分鐘到埗。

其中的Chef's Cuts,集餐廳與食材店於一身,同朋友嘆完個晚餐,再走到食材店那邊買些東西回家,為著聖誕作好準備。

餐廳有戶外及室內的地方,天氣好又清涼的話,坐在戶外是不錯的選擇,然而是夜偶爾有點雨,都係坐番入去比較穩陣。

頭盤的烤八爪魚很香,主角的八爪魚切粒,入口不會韌,薯仔的質感也好,最重要是有醒胃的汁醬,好吃。

牛油果蓉塗在多士之上,本已好食。頂頭加上蟹肉,或三文魚,賣相更精美。個人會較喜歡後者多些,味道更鮮。

作為食肉獸,最關心自然係扒類的水準。650g熟成黑安格斯肉眼扒,帶骨,看其表面很對辦。要求Medium Rare的生熟程度,用刀切開,那嫩紅的色水告知我火侯控制是合宜的。肉質頗為鬆化,帶脂香,大家也很好的讓了連骨的位置給我,這位置毫無疑問更為吸引。呢個質素,呢個份量的牛扒,賣$398,對得住個價錢有餘。

不吃牛的朋友也不用擔心,呢度既黑豚肉斧頭扒同樣出色。慢煮的做法肉質自當鬆化,與蘋果青醬從來匹配,很讚。

三款甜品,由士多啤梨甜蛋白脆說起,鬆脆的蛋白脆配上雪糕,及草莓漿,還有新鮮的士多啤梨粒,感覺清新,有人笑說似是高級版美味版的麥記士多啤梨新地,不無毫理。

個人對咸咸甜甜的海鹽焦糖從來有好感,所以對這海鹽焦糖朱古力慕絲,難以抗拒,加入糖脆花生是神來之筆,估唔到甜品都咁出色。

最後一款甜點,是提拉米蘇棉花糖,好有創意,亦沒有犧牲味道。

臨近聖誕,即管來杯香料熱紅酒來應下節,非常濃香,洋溢暖意。

飲飽食醉,趁食材店還未打烊,快快趣去選購心頭好。


餐廳資料:
Chef's Cuts
屯門黄金海岸商場地下S11-12號舖
25111971


4 則留言: