食物：$$$$
環境：N/A
服務：$$$$
做冬，你有無食盆菜?
早前睇報紙，有食客幫襯元朗某名店的盆菜，打開包裝袋，冰封三尺，怕且解凍解到農曆新年先可以食到。
要將冰山劈開才可品嚐的霜降盆菜，我就無乜興趣，神燈既呢個至尊海味釀鯪魚的盆菜，自設工場新鮮整，會岩我多啲。所以聖誕派對
(西式節日食中餐，從來是我的策略)，就來了一個六人份的，會送到你屋企。
保暖袋送上，連個煲都靚過人，已經贏左一半。
將鮑汁注入，加翻熱佢，好快可以食得，唔使等到2046。
年年有餘釀鯪魚，豐滿好意頭，口感唔錯，原條鯪魚放上面的盆菜，我倒是第一次見，不要笑我孤漏寡聞。
驟眼看，已見到唔少靚料，鮑魚、花膠、海參、日本元貝、鵝掌及海蝦等，一應俱全。當中的鮑魚夠腍身，鵝掌好隻軟腍又唔易散，元貝大大粒，份量足，真材實料，並不是勁多蘿蔔係底充生晒既貨色。
再落去，就是我等食肉獸既世界，紅燒元蹄皮豐肉嫩，炆腩肉肥瘦有致，仲有鹵水鵝，同埋貴妃雞等，絕不欺場。
墊底的，如枝竹、冬菇、蓮藕、雞髀菇等，全是索味的好東西。其中我最喜歡香炸芋頭，粉嫩可口，無得頂。
份量好充足，六人食，足夠有餘。
期待ing
回覆刪除如何如何?
刪除