灘萬日本料理 - 日餐做冬

食物：$$$1/2
環境：$$$$
服務：$$$$ 

做冬無須規限要吃中菜，亦唔一定要食晚餐，我家從來不是這麼守舊。

總之，中國傳統節日吔西日餐，西方節慶食中菜，唔使同人迫，同埋硬食貴價但未必有質素的套餐。

冬至，就同家人去Nadaman食午餐。

睇見呢張圖以為餐廳生意淡薄? 那就大錯特錯了，其實當日是全院滿座，家陣在港想食間似樣的食肆，起碼早一星期訂枱吧。

我同老豆吃定食，老媽子就選擇懷石。茶碗蒸夠熱也夠滑，為我作好熱身。

刺身三款，油甘、吞拿與甜蝦，都是大路貨色，當中吞拿味道最濃郁合心。

汁煮蘿蔔及茄子等，好腍物，入晒味。

筆者所挑選既套餐，跟西京燒銀鱈魚一片 (老豆食西京燒套餐就有兩大塊)，魚肉嫩滑，油脂豐厚，是銀鱈魚的特色吧，加上調味恰好，所以就算不跟任何醬汁，已經好吃，可以佐以整碗白飯。

天婦羅做得還好，粉漿唔會太厚，咬落爽脆，沒有死實實，當中的海老爽口，青椒口感亦不錯，茄子更加是我的心水。

懷石的燒物、煮物，以及筍菜等都用上更精緻的器皿，若然你是相機食先的朋友，揀這Kaiseki是沒有錯。但論性價比的話，我還是覺得定食會來得划算。

定食的甜品是雪糕，黑芝麻會比雲尼拿好。至於懷石的甜點，只不過是一件小朱古力蛋糕，雪糕其實仲吸引。

以五星級酒店的日本餐廳而言，就真係唔貴既~

餐廳資料:
灘萬日本料理
尖沙咀麼地道64號九龍香格里拉大酒店地下2層
27338751