食物:$$$1/2
環境:$$$$
服務:$$$$
尖沙咀食完晚飯,意猶未盡,朋友表示想食中式糖水,就上網瞄一瞄附近有無吸引既選擇?
唔搵唔覺,原來呢區食西式甜品有海量選擇,但要說到吃糖水,真的無幾多間,幸而找到了這家新派的糖水店,Almond Dessert。
新派館子食中式糖水,到底靠唔靠得住? 我起初都有這個疑問,不過既然沒有別的選擇,那又不妨一試。
小清新的裝潢,比起傳統的中式糖水老店,當然舒適得多。
自行以QR Code落單,留意螢光幕,甜品準備好就出去自取。朋友一心一意是來吃合桃露,所以縱使餐牌有不少選擇,他也不為所動。嚐了一小匙,總算幾香濃,在新派店子吃到這個水準,收貨有餘了吧!
既然店子叫Almond Dessert,相信杏系的甜品會比較穩陣,剛巧是日又未飲咖啡,即管一試這款創新的咖啡杏仁茶。 咖啡冰配上熱既杏仁茶,冷熱交融,不禁令人想起Affogato。杏仁茶本身水準合格,配上濃濃的咖啡冰,East meets West都可以擦出火花,有趣。 只要在社交平台放上甜品照,就可獲贈湯圓兩粒,仲有味道可以揀,何樂而不為?! 選了榴槤口味,但怎麼浸在清香的桂花糖水中的湯圓,係灰灰黑黑的呢?原來湯圓皮是加入了墨魚汁打造而成。略帶煙韌但不黏牙的外皮,結合濃郁的榴槤餡,比想像中更可口,掂喎~
無乜選擇之下找到咁好既選擇,呢間店,肯定會翻兜。餐廳資料:
Almond Dessert
尖沙咀加拿分道40-46號香檳大廈地下6號舖
66185906
有驚喜要去做會員haha~
回覆刪除好丫好丫
刪除比起傳統糖水店精緻好多呀,打卡都靚啲!
回覆刪除係呀, 好彩發現到呢間
刪除