食物:$$$$
環境:$$$1/2
服務:$$$1/2
個人幾鍾意睇Viu Tv既節目,近期就追睇番夕陽新丁,節目大概係找幾個藝人去一些夕陽行業當學師。
其中一集,Isabella就去體驗執雜。
所謂執雜(佬),當然唔係真係去撿,而係在肉商買入牛雜,清洗乾淨,再送 (賣)去唔同既餐廳食肆。
據知,呢行之所以式微,因為既要勞力,又臭又髒,仲要通宵工作 (每晚半夜兩點宰牛) ,一年工作365日,年終無休,所以無青年人會肯入行。對呢個題目我特別有興趣,再延伸閱讀相關資料,當然明白現今堅持賣新鮮牛雜的餐廳已買少見少,聽聞家陣全港新鮮牛雜賣得最便宜的地方,竟然是在長沙灣。
這間德記粉麵,屹立長沙灣大大話話幾十年,係呢區長大的筆者,固然有幫襯過呢家,但絕對不是常客,對上一次吃,估計已經係廿年前。店子除了粉麵以外,還有碟頭飯供應,以迎合街坊口味。
可嘟出行,沒有安裝既話,填紙仔亦可。店方仲俾埋口罩袋供客人放口罩,以粉麵店而言,是很窩心的安排。 豬手河正正常常,至少皮豐厚膠質重,又唔會太無肉食。 主角始終是牛雜,牛腸爽脆又保留了中芯的肥脂,吃起來更甘香;牛肺的口感最好,牛蒡亦粉嫩可口,全無異味。金錢肚爽口不韌,比草肚好。河粉份量也不少,三十蚊既牛雜河,我是吃不完。不是要去神化這裡的牛雜,亦唔肯定係咪全港最平,要數坊間仍賣新鮮貨色的,仲有中環水記、九記,甚至集團經營的源記等...
只是,今時今日能以三十個大洋,食到碗新鮮牛雜河,總好過係街邊篤二、三十蚊,但唔知食左啲乜東東落肚。
喺呢邊,暫時仲未遇過有口罩袋提供比客人用嘅餐廳,其實呢度嘅人,多數將(布)口罩揸埋一舊放入衫袋,又或者係掛喺下巴就算😅
回覆刪除我見外國好多人都係揸埋一舊 XDDD
刪除粉麵店都有口罩袋供應真係好貼心。
回覆刪除第一次見呀
刪除