食物:$$$1/2
環境:$$$1/2
服務:$$$1/2
難得一聚,大家食完海鮮,意猶未盡,決定搵地方食甜品。
主人家帶路,來到這間糖水舖,說這是值得支持既良心店。
超過四人,要分兩枱,也無損大家既心情,隔離枱都可以傾計啫 (全場只得我們兩枱堂食,有零星外賣客)。
唔知係咪太耐無食糖水,選擇困難症忽然發作,商議後決定大家要不同的,有凍有熱,到時分甘同味。 論影相既靚的,會數到楊枝甘露。好足料,芒果新鮮,亦唔怕酸,蠻多的大西米粒,最重要是夠冰凍,夏天吃甜品還是真的要夠凍才行。 紅豆與涼粉的組合,印象中我係未在其他糖水舖食過。紅豆勝在大粒,與爽滑的涼粉原來也夾得來,上面整多球Cookie & Cream的雪糕,身價即時提升。 正如朋友所講,今時今日在香港已找不到香濃可口的芝麻糊了。如果有,請告之。真心懷念以前屋村,擔住擔挑上門賣芝麻糊紅豆沙的老頭。
把握時間聚多幾次,食多幾餐糖水,去到外地,唔係咁容易/ 方便食到架喇~多謝好友請客。
喺香港食到嘅芝麻糊,我已經覺得好正啦,又,我只食過木桶豆腐花咋!
回覆刪除舊式甜品買少見少了!
回覆刪除