2021年7月15日 星期四

Perhaps - 或者... 活在當下最好



食物:$$$1/2
環境:$$$$
服務:$$$$
 

有人認為嘆咖啡係有品味之表現,我唔識答,但於筆者而言,是心癮而已。

不論中午,抑或是晚上,只要遇上咖啡店 (唔係連鎖嗰隻),我都好自然會想入去嘆番杯。除非,人多得要排隊等位。

紅磡的新咖啡室,Perhaps,或許仍未有太多人知道,我經過幾次都可以直行直入。

幫襯的這一夜,算是人多的了,我反而被安排坐在最靚既打卡位,即近門口的大圓型窗口位置。若然我是靚仔靚女,肯定會自拍影到天昏地暗。

原本想隨意點客卡邦尼意粉,但店員落力推介蜆肉意粉,就聽他的。蒜片炒的意粉,比較乾一點,橙色的清甜蕃茄正好作彌補。蜆有很多,隻隻鮮甜無渣,雖不是頂級,但Cafe做到呢個水準,已沒什麼需要投訴。

餐牌好像沒有蛋糕甜品之蹤影,多口問一句,原來是有一款蛋糕,是夜的就係特濃朱古力。的確很濃郁,岩晒重口味既筆者。旁邊放上了兩粒西柚肉,也是正路的安排吧!

呷口回魂的Flat White,神抖擻繼續晚上的活動~

Perhaps,在不久既將來,呢間Cafe又會出現人滿之患都未定。


餐廳資料:
Perhaps
紅磡紅磡灣中心地下6號舖



2 則留言: