離火咖啡研究所 - 店主一腳踢

食物：$$$1/2
環境：$$$
服務：$$$$ 

又係四處飄泊的日子，在官塘辦完事，看看手錶，大約晚上六時，找個地方坐低飲杯靚咖啡，歇一歇。

官塘是有許多Cafe可以選擇，上樓的、地舖的，不勝枚舉，然而大部份都是營業至六時正，我呢個時間，係有啲尷尬。

呢間離火咖啡研究所，收七點。

嚴格嚟講，佢稱唔上係Cafe，只是商廈大堂的一個Kiosk，放了兩張枱而已。仲要兩張枱係靠近門口，人流出出入入，熱氣湧入來，真不好受。

除左咖啡，仲點了份貝果包。

貝果包不是掟死狗般硬淨，煙三文魚奶油芝士餡料，吃起來有淡淡芝士香，蔬菜加三文魚的組合，肯定穩陣，旁邊還有一堆沙律菜，感覺健康。

一杯小白，入口醇和，散發出奶香，是我杯啡。

閒談間店主話自己週日會去參加咖啡比賽，Good Luck！

喜見家陣啲後生仔女都向自己夢想進發，比起當年一舊飯既筆者，成熟懂事得多。

邊個話要放棄年青人?

餐廳資料:
離火咖啡研究所
觀塘觀塘道410號觀點中心1樓3號舖
62348112