2021年6月23日 星期三

Avenue 75 - 鬆一鬆



食物:$$$$
環境:$$$$
服務:$$$$ 

朋友約食飯,指明要去尖東的Avenue 75。

上網睇睇,酒吧嚟喎!我心諗,可能佢係想飲杯嘢聚一聚,撥走不滿,發洩發洩苦悶,志不在食吧~

吃完後,我發覺,我錯晒,皆因食物滿有驚喜。

喜歡這裡,比一般酒吧餐廳,多一份藝術感,除了吃喝玩樂,也就是筆者所強調的生活品味,絕不庸俗。

牛舌與及白鱔串燒,前者非常厚身,但質感細嫩而保持彈性,獨吞一串,大滿足。白鱔燒出來香噴噴,入口彈牙,加上燒汁之香甜,也不錯。沙嗲汁並不是坊間亂做一通的辣汁,而是真正帶沙嗲香,還混入花生碎的出品,抵讚!

小食之牛油果脆條,我會形容為番鬼佬牛油果拔絲,味道比想像中好,沾上以Pina Colada打成的醬汁,有趣。唯一要挑剔係稍為黏牙。

Carbonara殺手之稱既筆者,見餐牌中有款帶子、泡菜卡邦尼意粉,當然不作他選。起初以為是辣勁非常的意粉,但原來還是以大路的卡邦尼作藍本,加上的辣度點到即止,是多了幾片爽脆的泡菜鋪面而已。幾粒帶子,煎至外層香口,中芯保持細嫩。

從網上已知道這兒的一眾調酒師大有來頭,在Dr. Fern'sFlint等打滾過,對其Cocktail的水準完全不用懷疑,像這杯以Girl with a Pearl Earring》為靈感的See my Pearl,影相無得頂之餘,朋友大讚高水準。

然而,我更喜歡實而不華的Diamond Black,皆因有柚子及清酒之原素,帶出清新氣息。

Happy Friday,本應如此渡過~


餐廳資料:
Avenue 75
尖沙咀麼地道75號南洋中心地下36-41號舖
27213938

3 則留言: