2021年4月1日 星期四

留白 - 有誠意



食物:$$$$
環境:$$$
服務:$$$1/2 

看看自己的行事曆,這星期大概只有一天有機會早收 (七點),忍唔住要約朋友出來食餐飯,否則 『真系仁刀顛』。

相約在荃灣,主要是方便我,在大窩口開完會後馬上狗衝過來。

提議去留白,只因我想飲杯咖啡,同埋其實佢既甜品都幾有誠意,幾吸引。

另一原因,就是大家同聲同氣喇~

朋友揀的三文魚Bagel,份量比想像中要大,我分了一半來吃。具果包唔會硬得掟死狗,頂頭灑上罌粟籽,吃起來更為香口。餡料除了大大片煙燻三文魚外,還有洋蔥,以及忌廉芝士,三者原來很夾檔,毫無違和感,但始終忌廉芝士都幾漏。

大家深明我是卡邦尼殺手,所以我仍未開口,她已知道要點這款意粉。成品比預期中更杰身,所以味道是十分濃郁,但要清掉全碟,當真不容易。

呢度既甜品幾出色,我上次嚐過的『蕉』就是極花心思之作。今云試試另一款,係蛋!

以芒果汁做出的蛋黃,白朱古力製成之蛋殼,蠻有復活節氣氛。泡末之下是雪糕,還有旁邊那件濃郁的朱古力班戟,有水準。

蝶豆花乳酸飲品,顏色自然是美,聽說味道也不俗。只是,此刻的我,更需要一杯咖啡。

Flat White端上來很香,杯子好漂亮,可是沒有拉花,在視覺的享受上稍遜。然而論味道,也是合格的。

佢仲有一款甜品,下次可以來試,叫做『石』!


餐廳資料:
留白
荃灣西樓角路202-216號荃昌中心昌寧商場地下12號舖

4 則留言: