I's Corner - 寧靜的角落

食物：$$$1/2
環境：$$$$
服務：$$$$ 

好友從沙田搬左去紅磡，日後同佢食飯就更方便。

佢聽街坊介紹呢間 I's Corner，說食物環境俱不錯，問筆者有無興趣，其實我又點會冇呢！

原來是家帶少許工業風，氣氛溫馨的小店，估唔到區內有如此好地方。

二百七十八蚊可以任飲任食 (另加一)，不過以我倆的食量，回本太難，還是散叫好了，少吃多滋味嘛~

意大利飯與意粉各一，開心些牙，唔夠再叫。

鵝肝蟹肉忌廉意大利飯，兩件鵝肝比想像中細，唔太IGable。然而，煎至微脆而入口溶化的成品，甘香可口，夾埋口感煙韌的米飯、露筍及白本菇同吃，倒是合心意，只是蟹肉的成份比較少。

鵝肝好邪惡，另一份就要相對健康的大啡菇雞扒蕃茄意粉吧。扁意粉口感還好，蕃加醬味道反而偏甜。大啡菇與煎雞扒都唔差，但擦不出火花，兩者有點各自為政的感覺，個人則比較喜歡前者，爽身有汁。

叫主食就有茶或啡供應，正如好友所言，對這類地方的Latte水準有點不肯定，要杯普通咖啡就好了。

幾香濃的。

餐廳沒有甜品供應，造就我們有下場。只是，十點要散Band呢個政策，實在太掃興！

餐廳資料:
I's Corner
紅磡北拱街8號薈點地下1號鋪
27650666