2021年3月23日 星期二

金田家 - 要加把勁



食物:$$$
環境:$$$$
服務:$$$$

已沒有再想何時可以傲翔天際,去日本吃壽司、拉麵,星馬嘆肉骨茶、海南雞,泰國哋船麵、雪花冰... 要飛,或者仲係好遙遠既事~

還幸,香港到今天為止,仍然是美食天堂,什麼國家的食物都可吃得到。

拉麵癮起,好在曾經在九州威水過的金田家,近在咫尺,而且是值得支持的店子,收工馬上跑過去。

晚市有套餐供應,叫拉麵會送兩隻餃子,同埋飲品,呢個組合我幾鍾意,畢竟如果要單點一份餃子,胃納細既筆者有時會太過飽肚。

全場只得我一人,不消一會拉麵便送上。呷一口豚湯與雞湯之混合湯頭,未夠濃郁,又不很香,有點兩頭唔到岸既感覺。幾片豚肉雖是很薄身,卻仍有欠鬆化。雞蛋更加不用多說,完全唔溏心。

幼細既麵條本對筆者口味,可是我已經有咁硬要咁硬,仍然是偏腍,還好是爽身,未至一文不值。

兩隻餃子大致正常,底部能煎香口一點更好。

似乎,要再加把勁!


邊喝可樂,邊懷緬年半前在福岡的幸福日子
...

香港仲有邊間好既拉麵店可以止癮?


餐廳資料:
金田家
紅磡必嘉街112號紅磡灣中心地下9A號舖
23990208



4 則留言: