2021年1月25日 星期一

稻庭養助 - 欣賞冷烏冬



食物:$$$1/2
環境:$$$1/2
服務:$$$1/2 

短短一條民泰街,各國美食林立,有拉麵、漢堡、潮州鹵水、川味酸菜魚、台灣嘢、港式茶記,同埋烏冬。

當中的日本烏冬店,稻庭養助,朋友讚到天上有地下無,唔食會後悔一輩子似的,搞到我心思思想去試。

午餐九十五個大洋,已包一客冷/熱烏冬,以及迷你飯。如果想吃豪些少既話,兩舊幾水可以食勻吞拿魚腩、鰻魚及和牛網燒。

電視重覆播放著手工烏冬的製作過程,似乎幾吸引,畢竟這也是我到訪的目的。

冷熱烏冬我都嚐過,個人會比較喜歡凍食,更清爽細滑,一下子由舌尖滑入喉嚨,好正!但其實熱食都很讚,朋友無老點我。

烏冬以外,朋友每次都會吃蔥吞拿魚蓉飯,我試過也真不錯。細滑的魚蓉味道很鮮,夾起少許魚蓉再伴上米飯,每口都是精彩。

也嚐過豚腩飯,偏肥的腩肉自然脂香豐富,入口不韌,若你不怕膽固醇超標既話,可以一試。數片腩肉之上放著一撮蒜茸及蔥,重口味既我更中意以磨得幼細的蒜茸來伴飯,那怕吃罷 『呵氣如蘭』,食左先算。

雖未致於話唔食會後悔一生,卻總算是區內的其中一個好選擇。

食完烏冬,如能有杯靚咖啡就好!


餐廳資料:
稻庭養助
紅磡黃埔新村民泰街27號地下A1舖
23938355

4 則留言: