花月庭 - 午餐價錢，晚餐嘢食

食物：$$$1/2
環境：$$$$
服務：$$$$ 

晚市禁堂食，酒店做自助餐的最當災，斷估無外賣Buffet卦?

要變陣，中午食物選擇或要變得更豐富，吸引客人。午餐價錢，吃到晚市的東西，也是一個方法，帝京就係咁樣行。

凍海鮮好豐盛，蟹腳、海蝦、青口、蜆及墨魚仔等，一應俱全，而且仲有即開的巨型美國生蠔，若果你是蠔迷，單吃多幾隻生蠔已幾乎可以回本。

個人偏愛吃『生冷嘢』，所以冷盤既煙燻三文魚、Cold Cut、風乾火腿，鴨胸等，統統我都唔會放過。

繼續講生冷嘢既，就要數到壽司與刺身，我會較喜歡爽脆的款式，如魷魚等。

熱葷是驚喜位，鬆化的牛筋骨，滿載韓風既蘿蔔炆韓牛，刺激的辣酒翡翠螺，風味咖喱雞，以及惹味之薑蔥龍躉，檸檬蒸比目魚，還有天時冷最岩食既糯米飯，好豐富。

就連豬腳薑加蛋都有得供應，老人家來也不愁沒選擇。

出去拎燒和牛肩，見到還有中式燒肉，又拿兩件回去品嚐。牛肉中芯仍是嫩紅顏色，吃起來鬆化，配燒汁食，再加點明太子焗薯作伴碟，扮作在英國吃Roast Dinner。見師傅落刀切燒肉，咔嚓之聲響可知外皮是多麼的清脆，吸引！

胃納從來小，食埋天婦羅之後，便要跳到甜品環節，粉麵粥品我無緣消受。

都是以蛋糕為主，如杯子蛋糕、朱古力慕絲、藍莓芝士等，每款來一點慰藉下甜胃。小量其他的，如葡撻、麵包布丁，熱烘烘的出爐，自然唔會差得去邊。

朋友或者太耐無得入戲院睇戲，竟拿了一兜爆谷回來慢慢嘆。

經Openrice訂枱，可享75折優惠～

餐廳資料:
花月庭
旺角太子道西193號帝京酒店2樓
26226154