2021年1月21日 星期四

家後 - 湯餃、芝士蛋糕俱不錯



食物:$$$$
環境:$$$
服務:$$$$ 

大南街的美味餃子店,標榜自家包製餃子,與及無味精靚湯底,在太子雄霸了多年 (中間有搬過舖,但都在附近)。

呢兩年,一方獨大的情況有變,皆因在基隆街出現了勁敵,名字叫家後,同樣是主打手工餃子,同埋靚湯底粉麵,仲要加多瓣自家製甜品。

經過幾次家後,人龍不比美味餃子店遜色,令最怕排隊既筆者大打退堂鼓。

週末的三點幾鐘,再與朋友來碰碰運氣,得到幸運之神眷顧,等一陣就有位。

柯打左幾款東西,餃子當然是必備,我們之選係芫茜豬肉湯餃。湯底有粉葛和赤小豆在內,呷一口,果然是無味精,很家常的味道,朋友喝得一滴不剩。餃子自家包製,皮薄而滑,芫茜與豬肉的比例於我來說是剛好,很香,不錯吃。


再有三拼上海麵,分別要金錢肚、豬肚,以及鹵雞翼。湯底與剛才的無異,沒試雞翼,但據說唔錯。豬肚和金錢肚皆爽脆,大致合乎要求。

小食又叫埋豬大腸,鹵得夠腍也入味,吃得大家交口稱譽。

甜品肯定要食日式芝士蛋糕,質感細滑,芝味香濃,蛋糕邊邊更有點焦香,仲要係街坊價,無咩可以挑剔。

其實仲有開心果和綠茶芝士蛋糕,另日式焦糖布甸又是人人讚好,不過都係限量供應,要睇有無食緣了。


餐廳資料:
家後
深水埗基隆街211號地舖
23978131

4 則留言: