2021年1月4日 星期一

滄浪亭 - 麵食專家



食物:$$$$
環境:$$$$
服務:$$$$ 

若要我推介紅磡美食,滄浪亭的嫩雞煨麵必在名單之列,我曾經不止一次講過,呢度既嫩雞煨麵,係全香港最好食,至今我無意收番呢句說話。

還記得數年前,有位『食家』說這裡的嫩雞煨麵太軟腍,給予負評,筆者一笑置之。

再講,其實我係呢度既熟客,煨麵故然是招牌,但其他的麵食也毫不遜色,我間唔使都會轉下口味,吃些別的款式。

大排麵、獅子頭麵,與及糖醋排骨麵,皆是我的心頭好,百吃不厭。

肚餓時會揀大排麵,貪其份量夠多。豬扒與湯麵是分開上,可保持其香脆口感,是恰當的安排。金黃的上海排骨,真的超巨,新鮮炸起,要小心燙口。成品入口酥脆,肉質鬆化,更喜歡其附點點肥脂。個人習慣輕輕浸在湯內一會,那質感最合我心意。

這兒的麵條多年來是傳統般軟腍,又帶點煙韌,不隨波逐流。

獅子頭做得好,外微脆內鬆軟,有醬香亦不會蓋過肉香,同樣是本地數一數二的出品,很對筆者胃口。

嫩雞煨麵始終是招牌中的招牌,煨麵略帶糊口,重點在於奶白色的湯頭,散發出奶香,小棠菜粒及雞粒份量不少,即使細食如我,也可輕易把整碗麵條一舉而盡。

紅磡店與美孚店有個共通點,就是店子只得很少座位,大家唔好專登去食,霸左我個位。


餐廳資料:
滄浪亭
紅磡蕪湖街111號蕪湖居地下C1號舖
23303298


4 則留言: