2020年12月10日 星期四

Villa Villa - 兩小時的同行情報交流



食物:$$$1/2
環境:$$$$
服務:$$$$ 

久唔久會與行家出來食餐飯聚一聚,交流下資訊,避免與時代脫節,今次就去到舊同事的主場,北角。

『主人家』提議來Villa Villa,我沒吃過,但網上一面倒的好評,加上佢又係熟客,我諗應該靠得住。無所謂喇,反正也志不在食。

看見店子的文宣與擺設,豬頭處處,已不用多解釋其立場,難怪舊同事說要來這裡。

午餐有跟麵包、餐湯及飲品,大部份一百蚊樓下,抵玩過食茶記。餐湯只有一款,沒得你揀,無機會成本,係磨菇湯。幾濃郁的,而且熱度足,交到功課。

是的,我又係食卡邦尼意粉。成品看上去杰撻撻,吃起來也的確有點『立口』的感覺,但味道是正常的,有忌廉有芝士香,只是實在太漏,我無法完成。

對方的牛肉漢堡,蛋是煎至脆邊,牛肉厚身但嫩滑,結合半溶芝士,要比我的卡邦尼好。伴碟的薯條,香脆又熱辣,是最佳男配角。

由於之後約了人浦Cafe,所以餐飲便不要咖啡,改來一杯檸檬茶,當是消滯就好。

一餐飯既時間,得到很多Update的資訊,不枉我山長水遠由荃灣走過來北角。


餐廳資料:
Villa Villa
北角錦屏街後街25A號東發大廈地下31號舖
27779033

3 則留言: