2020年12月3日 星期四

T8 - 你愛鐵板燒還是壽司?



食物:$$$1/2
環境:$$$$
服務:$$$1/2 

跳舞群組爆大鑊,忽然間又話要關酒吧,蘭桂坊再次變成一個死城,就在酒吧仍可營業的最後一夜,在附近食個晚餐,順道睇下老蘭既場景 (齋睇,無飲喇),畢竟我也有好一陣子沒來過這類地方。

選了要上樓的新日本餐廳T8,店子供應Omakase和鐵板燒,我對後者較有興趣,而朋友就揀食壽司刺身,必要時可以大家分享。

先來個前菜拼盤,三款分別為水母、東風螺,以及魚籽醬冬瓜。前者爽脆清新,好開胃。東風螺沒半點韌,冬瓜味道清淡,以咸鮮的魚籽醬來襯托最好。

不管吃那個餐,均會奉上刺身拼盤。鯛魚經過熟成,入口爽而不韌;厚肉的帆立貝味道鮮,師傅亦稍作調味,所以是醬油也不需沾上一滴;最肥美的,毫無疑問是拖羅,入口溶化,完全沒筋,誰會不愛?

收起刺身的碟子,接著就是鐵板燒師傅的表演時間。率先上場的鴨肝,甘香味溶入口中,連墊底的多士吃更有層次。一旁之紅酒啤梨汁,正好中和鴨肝的肥膩感,藍莓、紅嗓子等生果的作用亦然。

轉眼一看朋友的超巨型生蠔,實在太吸睛,難怪叫做令和怪物。試了半隻,夠飽滿又爽脆,味道鮮大概也是預期之中。

師傅在北海道蝦夷鮑魚之上鋪上昆布和鹽,原來是要弄一道鹽焗鮑魚。

火侯控制得精準,鮑魚不韌,配上本菇及海膽,與及墊底的蘿蔔,在鐵板燒中較為罕見,精緻也極具心思。

接著是另一矜貴食材,伊勢海老。師傅將龍蝦肉煎香,把龍蝦頭的蝦羔打成汁醬,再伴以魚籽醬,同埋金萡作點綴,賣相有如在吃法餐。需知龍蝦肉若烹煮過火就等於是趙香口膠,當然這兒師傅既技術,我大可放心。肉爽而不韌,連同甘香之汁醬和咸鮮的魚籽一同放入咀巴,大概就是叫幸福的味道。

一小球雪葩清清味蕾後,另一主角A5宮崎和牛便隆重登場。

厚燒,但我也請師傅可以弄生一點,我從來是個茹毛飲血的人。入口鬆化,本身味道已調好,旁邊的海鹽無用武之地,夾著炸蒜片同吃,才是皇道。

米飯炒至乾身香口,粒粒分明,頂頭之脆片,查實係師傅刻意弄出來的飯焦,有趣!

十成飽,炒野菜只能淺嚐,否則獲利回吐都有之。

簡單以幾款日本水果作結,甜到爆燈。

十點未夠的蘭桂坊,水盡鵝飛,我以為自己隻錶停左。


餐廳資料:
T8
中環蘭桂坊15-16號協興大廈5樓
23938133

4 則留言:

  1. 本來主子生日,我主菜係鵝肝架,可惜店家説鵝肝不能(便)外賣,睇黎我仲有排無得食!^^”

    回覆刪除
  2. 令和怪物邊有試了半隻,我呲哋係三份分吃架haha~

    回覆刪除