食物:$$$1/2
環境:$$$$
服務:$$$$
以前想食牛丼,會惠顧吉X家,現在當然與牠斷絕來往。
還好,天無絕人之路,日本牛肉飯連鎖店Sukiya,看準時機殺入香港。
旺角店無時無刻都排長龍,注定無我份吃。某天非繁忙時間經過黃埔,竟然唔使等位,馬上衝入去見證下呢間過江龍有多厲害。 甫坐底,店員立即送上冰水及小響鬧裝置,並指如果準備好點餐,按鐘就會有同事來幫忙,服務挺不錯的。 瞄一瞄餐牌,除了主打的牛丼,其實還有不少其他選擇,比吉X家要豐富得多。猶豫左一陣,決定要溫泉蛋牛丼炸雞套餐。 兩隻溫泉蛋分開上,自己動手吧,剥殼啫,手殘既我都可以做到。 牛肉嫩滑,洋蔥煮得夠腍夠透,汁醬當然好下飯,再撈埋蛋液,都幾難會唔好食。真係好,日後牛肉飯癮起,呢個選擇十分穩妥。 炸雞有三件,稱唔上很脆口,幸而肉質不嚡口,可以接受。 飲品可揀可樂,但我一向不喜歡連鎖店的打氣汽水,還是要杯冰紅茶好了。我會再來吃牛丼的,若然唔使排隊既話~
我都好想食呀,而且好掛住可以正常堂食嘅日子!
回覆刪除有冇唔牛的丼?
回覆刪除