食物：$$$1/2
環境：$$$$
服務：$$$$
限聚令由每枱四人放寬至六人，大家終於可以坐埋一齊，吃得相對豐富和熱鬧些。
近排幾次食中餐，都選在酒店的中菜廳，今云就改變一下，唔入酒店，但到訪級數同樣高檔的皇御園。我食過N次，質素肯定有保証。
朋友老早夾好菜單，還安排了廳房，大家可以更肆無忌憚的高聲談笑，吃得更加盡興。
前菜查實是一款點心，金鰻拿破崙。鰻魚煎香，沾上燒汁，放在酥脆的西式拿破崙之上，這中西合壁的小吃，完全沒違和感，有趣！
多年前在魚頭火鍋店工作，經常會喝一款天麻魚頭湯，以大魚頭去燉，暖和又驅頭風，不過已經是那些年的事，這晚重遇呢款天麻川弓白芷燉魚頭，自然加倍珍重，還要用上星斑頭，令呢盅湯升價十倍。
接著來的脆皮花膠扣鵝掌，令我想起城中名店好酒好蔡的脆皮海參。蠻大件的鰵魚公，煎至微脆，但口感仍保持黏糯，好有睇頭。鵝掌沒想像中的大，不過煮得軟腍又唔會散，配上濃香的鮑汁，同樣得我歡心。
咖喱法國海鱸魚，咖喱汁是泰國風味的黃咖喱，惹味但不會很辣，配白飯一流。但因為之後有兩款煲仔飯，所以才沒點白米飯來伴之。
再來的象拔蚌，以濃雞湯浸泡，爽脆而味鮮，店子又巧妙地加入脆米，以及細嫩的豆胚，整件事清新又可口。
不一樣魚香茄子，到底是什麼葫蘆賣什麼的藥?
原來是將茄子炸香，再配上平時魚香茄子的肉末及辣椒等，幾香口，也特別。
單尾係兩款煲仔飯，均是新派的出品，皆因分別以鰻魚櫻花蝦，與及西班牙腸、排骨作主角。感覺上是較濕了一點，略欠吃傳統煲仔飯的風味，還幸仍保留了脆脆的飯焦，兩者之中以西班牙腸、排骨較合我心，大概是因為較偏向傳統的風味吧！
以西式的梳乎厘燉蛋去慰靈甜牙齒，夠熱夠滑，蛋白又打得靚仔，比起吃傳統的中式甜品，更能令人在結尾留下深印象。
何時才可以真真正正坐埋一圍食飯呢？！
仲諗放寬? 出文之日，限聚令又再次收緊喇...
餐廳資料:
皇御園
係啦，又已經由六變返四lu，話時話，我地最近都收緊到只能與同一屋簷下嘅人同枱食飯咋。
回覆刪除金鰻拿破崙幾特別！
回覆刪除