Cozy Coffee - 為咖啡而非打卡

食物：$$$1/2
環境：$$$$
服務：$$$$ 

不知不覺間，原來已有成個月沒有浦咖啡店，這天忽然癮起，獨自去食個Lunch。

懶，唔走太遠，近近地南豐紗廠就好，反正那裡也有大把選擇。

幾乎間間Cafe都試過，其中較喜歡的一家，叫Cozy Coffee，貪佢可以舒舒服服挨係沙發嘆杯靚咖啡。

Latte率先登場，依然係好鬼大杯，拉花精美。呷一口，醇和順喉，味不太淡，是我喜歡的一類。

印象中這兒的Carbonara唔差，我作為卡邦殺手，又點會放過佢。睇番照片 (可按此參考)，賣相跟我上次吃的出品大不同，今云呢碗係杰撻撻的，似乎退步左? 吃起來的確比較『立口』，還好味道尚可，芝味濃也夠香。不過，我還是喜歡舊時既出品。

是日胃口特別大，除了意粉竟想再吃點甜，在餅櫃中揀了件Orange Cake。蛋糕的質感合我心意，唯面頭的一片漬橙味道很甜，若能將甜度稍稍降低，就更迷人。

筆者從來係想悠悠閒閒嘆杯靚咖啡既人，一窩峰走去新店打卡，唔岩我~

餐廳資料:
Cozy Coffee
荃灣白田壩街45號南豐紗廠1樓117舖