侘寂珈琲 - 吹吹風

食物：$$$1/2 

環境：$$$$ 

服務：$$$$ 

又煲無米粥，廢然而返，想去吹吹海風，便走到去西九龍文化區。 

即使是平日，那邊幾間海景咖啡店都好旺場，唯獨是這家侘寂珈琲仍有吉位，可能是有最低消費的關係吧~

反正只想飲杯咖啡吹吹風，我諗應該伏極有個譜，不想太多便進去。 

不論坐室內還是戶外，基本消費每人八十蚊 (其實真有點誇張，難怪無乜人坐)，單飲杯咖啡唔夠數，唯有叫多份和風餃子。

將銀包最後既紅衫魚拿出來，找回六蚊。

坐在外頭面對美景足著海風，無疑是舒適的。西九文化區的另一優點，係有唔少人來放狗，睇見可愛/型格的狗狗，豁然開朗。

入口順滑的Flat White，味道比較Mild，有點像Campos的風格。

呷幾口咖啡，和風餃子也送到，一客六隻，新鮮出爐要小心燙口。外皮脆而不韌的餃子，味道還好，其實配啤酒仲岩。

呆坐了半句鐘，天色已漸沉，去銀行提現金，侵侵侵... 

餐廳資料: 侘寂珈琲 

尖沙咀西九文化區藝術公園地下GF-05號舖 

52828432