2020年11月11日 星期三

甜姨姨私房甜品 - 用心之作



食物:$$$$
環境:$$$$
服務:$$$$

非常時期,想與朋友食餐正餐都唔容易,更遑論是飯後糖水呢!

疲情稍為緩和,素來坐唔定既我又開始活躍起來,相約食友大吃大喝,當然『安全措施』還會做到足。

當得知甜姨姨在銅鑼灣開分店,筆者蠢蠢欲動,皆因我對甜姨姨天后的總店印象一向是良好的。

這天索性放棄晚餐,吃過下午茶之後,便與朋友前來食甜品。

原本大家一心吃刨冰,但店員推介的台式仙草手工芋圓似乎幾吸引,忍唔住又點來一份大家分享。除了仙草及芋圓兩大主角外,仲有西米、紅豆、珍珠等,砌得靚靚仔仔,感覺好豐盛。每口都是不同配料,味道好,尤其是仙草及芋圓,是店家自家手工制,口感與別不同。

刨冰口味蠻多的,而且款款誘人,選擇困難症好易發作。終於,揀左紅火龍果刨冰,名字叫汪阿姐,個朵夠照了吧,哈哈!汪阿姐最吸睛的,大概是雙美腿,影相呃like一流,而其實這是由威化紙及白朱古力造成,並不是齌作點綴,可以食用的。再講,呢個刨冰質感十分綿滑,味道清新,裡頭混入了紅肉火龍果及爆炸糖,底下還有粒粒椰果,以豐富層次,每隔幾口就會有驚喜,有趣~

另一款係名叫留戀的榴槤豆腐花刨冰,質感同樣綿滑,吃起來更是陣陣榴槤香,榴槤迷肯定喜歡。這客刨冰的底部,其實就是細滑的豆腐花,也即是天后本店的得意之作。一客甜品,雙重口感,絕對值得一試。

我份人好奇怪,不論是吃咸食或甜點,一定要有嘢飲。由於剛才的仙草合意,所以飲品就來杯Oreo豆腐奶蓋仙草紅茶。沾上Oreo碎同吃,豆腐奶蓋絕不比芝士奶蓋遜色,再結合紅茶,味不過甜,大愛。若你是珍珠奶茶控,也可選Oreo豆腐奶蓋珍奶,相信你會滿意。

下星期老銅飯局後,我又可以再來下場了!


餐廳資料:
甜姨姨私房甜品
銅鑼灣耀華街11號地舖



4 則留言: