Meatup Diner & Carvery - 有潛質的新力軍

食物：$$$1/2
環境：$$$$
服務：$$$$ 

疫情呢幾個月，唔少餐廳食肆倒閉，但荔枝角的D2 Place商場，大部份餐飲仍健在，是業主有良心減租，抑或係其他原因，我不曉得。

Meatup Diner & Carvery是少數的新力軍，此店前身係主打蛋包飯的西日Cafe，仲係專門聘請聾人的社企。

或者，今時今日，連正常人都自身難保既時候，真的無辦法再去兼顧其他弱勢社群。

話題扯遠了，說回這家新Cafe。正值中秋長假，人人進行報復式消費，呢間餐廳未需要等位，但都座了唔少人。單打廚房，我替廚師感到吃力。

午餐有跟沙律或湯，店員指是日餐湯為粟米忌廉湯，我又怎能夠抗拒呢?! 賣相比想像中好，旁邊更伴上一件脆口的香草多士。呷一口湯，濃郁且熱度足，我可以毫無難度地喝得一湖不剩。

主食揀左巴馬火腿野菌意大利粉，大概就是豐富版本的卡邦尼意粉。將溫泉蛋破開，蛋汁混埋忌廉汁以及芝士，撈意粉自然夠香。加之，火腿、煙肉和野菌份量不少，基本上每口都可以嚐到，整體效果合格。

好友既鮮蝦蟹肉扁意粉，看其蟹肉成份蠻多的，似乎幾對辦，但我沒有試。據知味道唔錯，尤其兩隻蝦，夠香夠彈牙。

飲品要加十五蚊，汽水和特色咖啡如是，咁幾歹要杯Latte。

拉花唔算好漂亮，不過入口醇和，喝至尾後奶泡亦唔會走樣，是一杯好啡！

餐廳資料:
Meatup Diner  & Carvery
荔枝角長順街15號D2 Place 2期3樓310號舖
35868103