新店速遞：瀧霆小館 - 經濟實惠

食物：$$$1/2
環境：$$$$
服務：$$$$

喜歡吃點心，卻不愛上茶樓，有時候會惠顧點心專門店。

坊間的點心舖，價錢普遍為三十零個大洋/籠，一盅兩件的話，連茶錢加一，隨時近百元落樓。

近期發現了太子呢間瀧霆小館，全部點心三十元樓下，不少款式更是廿蚊有找，非常划算，而且店子是通宵營業。

因為太抵食，平時兩籠點心已足夠既我，是日柯打了三款，仲飲埋汽水，豐富極了。

四寶滑雞扎係筆者最喜愛的點心之一，四寶之中，厚切火腿和嫩滑雞件是我最關注的，這裡也做得好，再配上炸肚及冬菇，交足功課了。

許多朋友愛吃排骨，但我則更想吃排骨的好拍檔- 鳳爪。醬汁唔會太多太杰撻撻，口感不錯，唔會好散，筋位亦保持點點咬口，好吃。

叉燒包收十五蚊，但一籠只有兩個，不過個子比正常的大一截。包身略嫌有少許『立口』，但唔算太嚴重，餡料及芡汁都恰如其分，都係果句，呢個價錢真的無乜好投訴。

幾乎忘記了芬達呢樣嘢，來一罐懷緬下吧~

唔使收加一，食咁多嘢七十蚊有找，算係咁啦！

餐廳資料:
瀧霆小館
太子砵蘭街394號地舖
27853388