食物:$$$1/2
環境:$$$$
服務:$$$$
喜歡吃點心,卻不愛上茶樓,有時候會惠顧點心專門店。
坊間的點心舖,價錢普遍為三十零個大洋/籠,一盅兩件的話,連茶錢加一,隨時近百元落樓。
近期發現了太子呢間瀧霆小館,全部點心三十元樓下,不少款式更是廿蚊有找,非常划算,而且店子是通宵營業。
因為太抵食,平時兩籠點心已足夠既我,是日柯打了三款,仲飲埋汽水,豐富極了。 四寶滑雞扎係筆者最喜愛的點心之一,四寶之中,厚切火腿和嫩滑雞件是我最關注的,這裡也做得好,再配上炸肚及冬菇,交足功課了。 許多朋友愛吃排骨,但我則更想吃排骨的好拍檔- 鳳爪。醬汁唔會太多太杰撻撻,口感不錯,唔會好散,筋位亦保持點點咬口,好吃。 叉燒包收十五蚊,但一籠只有兩個,不過個子比正常的大一截。包身略嫌有少許『立口』,但唔算太嚴重,餡料及芡汁都恰如其分,都係果句,呢個價錢真的無乜好投訴。 幾乎忘記了芬達呢樣嘢,來一罐懷緬下吧~唔使收加一,食咁多嘢七十蚊有找,算係咁啦!
細個食叉燒包都係一籠兩大個,但其實我like依家三小個多啲。
回覆刪除我都中意細粒多D
刪除鳳爪賣飛佛
回覆刪除我都中意
刪除