甜記餃子 - 家的味道

食物：$$$$
環境：$$$1/2
服務：$$$$ 

一條友搵食，可以好求其，亂入一間茶餐廳，或者連鎖店，也可填飽肚子，但筆者更想支持良心店。

若然那所良心店是有水準，當然更理想，畢竟我也不是逢黃必撐的人。

甜記餃子，出品完全是家的味道，係一間值得推薦的小店，至少我認為係咁。

許多麵店的自家製菜甫都好有水準，甜記亦唔例外，辣得來香，口感爽脆，我『筆』完一羹，再一羹。

點左份麵餐，湯餃與煎餃之間，選了後者。十一個款式，大部份是傳統口味，粟米芝士雞肉餃已經是最新派的一款。而我，則要更傳統的韭菜豬肉餃，應該最穩陣。

餃子外型稱唔上靚仔，但有內在美，咬落酥脆，滿滿韭菜香，味道很不俗，也不會吃到滿口是油。

湯麵可挑湯底，雞湯或蕃茄薯仔魚湯，我同樣是要後者。麵底有米粉、米線及台灣麵，我從來不愛吃米線，要台灣麵就好。

現成麵條沒什麼需要說，蕃茄薯仔湯頭全無味精，絕不是你去連鎖店飲到的茄湯，係真真正正在家喝到的味道。

飲品有自家煲製的洛神花茶，自然不能錯過。

一句到尾，想吃家常味道既出品，就來這裡。

餐廳資料:
甜記餃子
長沙灣昌華街23號富華廣場19號地舖
63602640