食物：$$$1/2
環境：$$$1/2
服務：$$$1/2
正午十二時左右，蕃茄師兄與蘇媽蘇媽門外企滿支持者，估計等半粒鐘是最低消費，唯有打退堂鼓。
走過隔離街，可以揀食蛋牛治，或者另一間馬拉餐廳，但見到有家新餐廳，叫1968
Bistro，門面似乎幾吸引。
再瞄一瞄門口既餐牌，午餐五十八蚊起，不如俾次機會佢?!
我有個壞習慣，經常將售價與期望掛勾，呢個價錢的卡邦尼意粉，我唔覺得會有驚為天人的味道。
賣相其實唔算標青，只是頂頭有隻溫泉蛋而已。破開蛋，撈勻蛋汁及意粉，便起動。意粉不是手造，但口感尚可，蛋汁與忌廉汁撈埋意粉，味道是比預期中優勝，若然煙肉可以再爆香一點就好，但這水準已經比很多Cafe要高。
另一份是青咖喱雞肉飯，米飯我沒試了，只嚐了少許咖喱雞，青咖喱汁有一定香辣度，還滲出微甜，絕對會令人不經意吃多了飯。雞件份量唔少，質素正常，起碼不韌，吃咖喱從來是以汁醬為主角。
午餐跟餐湯或者飲品，意式咖啡不用加錢，好難得，那就要杯Cappuccino吧～
我後悔了，早知飲齋啡好過。
竟然係杯飲品令你後悔。@_@!
回覆刪除青咖喱雞肉飯好像吸引些！
回覆刪除