食物：$$$1/2
環境：$$$$
服務：$$$$
七月頭，濶太傳來短訊，說要請我食生日晚餐，佢真係非常之有心。
定好了日期及地點，禁堂食令隨即實施，七日又七日，七天再七天，飯局無奈一拖再拖，到九月才吃得成。
吃的是我喜歡既日本燒肉，呢間鹿兒島過江的燒肉店，早前推出幾爆既外賣Package，買套餐送爐，大家可留係屋企慢慢燒。為左生存，真係要絞盡腦汁。
講番我哋呢一餐，雖然選擇有牛也有豚肉，不過食Yakiniku始終是吃牛肉好。因此，柯打了和牛盛合，以及西冷，大家分吃。
和牛拼盤有牛肋肉、牛扒粒、牛赤肉及牛腿肉等，看其雪花的分佈，應該唔會衰得去邊。事不宜遲，動手好了！
云云部位之中，最欣賞是牛肋肉，質感軟熟而肉味濃郁。另外牛扒粒油份最高，也夠鬆化。薄薄的牛腿肉，輕輕燒一燒，沾上蛋汁吃是最好不過。
第二份餐是和牛西冷，油花仍是靚。蠻大塊的西冷扒燒好後自行剪開，入口同樣柔軟，但牛味就及不上剛才的肋肉。
除了肉肉肉和肉外，套餐還跟上沙律、牛肉湯、米飯、茶碗蒸，以及炸牛肉球，仲有飲品，非常豐富。其中黃金的炸牛肉球最為特別，因我本以為是炸薯蓉。要挑剔的，係蒸蛋，老了很多，過晒火位。
亂世中再聚，大家似乎都有新既體會，無論如何，身體健康最緊要~
下次再見是何期?
七八月期間，應該許多飯局都要改期，還好現在可以重新再來。:)
回覆刪除食得到便是好！
回覆刪除