2020年6月5日 星期五

Room 68 - 那味道 似是什麼 都不緊要


食物:$$$$
環境:$$$$
服務:$$$$

最近心情麻麻,慶幸身邊總有好友支持,陪我吃吃喝喝,談談笑笑。

老友知我中意飲咖啡,特意搵來這間在精品酒店頂層的Cafe,說我應該會喜歡在這裡Hea。反正百無聊賴,去歎番杯又何妨?!

勁多的窗戶,加上天公造美,自然光線射進來,實在舒適,我絕對可以係度待足半天。


更重要的是,這所咖啡廳,是良心店!

其實,說這兒是咖啡館唔太準確,因為除了特色咖啡/茶以外,呢度仲有數款手工啤酒供應。


照店員推薦,要了杯Cold Brew,但這並非我們平時常喝到的那款。鮮奶份量之多,看也看得出來,所以入口沒甚苦澀味。冰塊是採用『啡冰』,味道不會因冰粒溶化而走樣,在炎炎天氣呷幾口,順心。

另外點了份Tea Set,內容是一件蛋糕和一杯茶/ 果汁。蛋糕只得三幾款,叫做有啲嘢食下咁,挑來了古早味蜂蜜蛋糕。


蛋糕質感輕盈,味道不過甜,我不肯定是自家造還是來貨,反正水準比預期中出色。


對茶實在一竅不通,不過呢一杯,至少溫度足,入口不是淡而無味。
















Frankly,是想私心收藏的一個地方,皆因我唔希望太多人衝上這片樂土,搞到嘈喧巴閉。

只不過,你估好嘢會無人知,無人識搵咩?


餐廳資料:
Room 68

4 則留言: