食物：$$$$
環境：$$$$
服務：$$$$
我常說，有機會要多支持太古集團旗下的食肆，心水清的朋友大概會明白為什麼。
家陣太古餐廳踏入五週年，推出一系列的優惠，我諗係時候去捧下場。
其中一項優惠，要講到電子獎賞計劃，在集團旗下的四間餐廳 (The Continental、MR & MRS FOX、Plat du Jour 及Public)用餐，可尊享新一年的堂食菜式八折。
喂，依家咩年代呀，唔通仲用實體卡咩? 我啲實體卡十張有九張都唔知掉左去邊啦！
先來的悅口小食，係黑松醬鴨肝醬。香滑的鴨肝醬放在小小的麵包之上，頂頭再加上一片黑松露，添其香氣，岩晒我口胃。不吃內臟既朋友，換成了三文魚作主角，看他的樣子同樣吃得滿足。
頭盤二選一，朋友挑的珍寶蟹肉沙律伴法式車厘茄清湯，色彩繽紛，震騰騰的質感太易呃Like。為了保留食力，我沒有試，但咀勺的老友大讚清新可口，我想水準總有番咁上下。
正值白蘆筍季節，我的頭盤選擇自然係白蘆筍伴羊奶芝士。白蘆筍爽脆清甜，以咸香的風乾火腿捲著吃就最適合不過。軟滑又輕盈的芝士跟粒粒爽身之羊肚菌作點綴，倒也是不錯。
主菜方面，嚐了少許老友的安康魚伴意粉，手打的麵條質感自然優勝。然而，我更欣賞紅酒燴牛肉，完全是可以看得出的軟腍，入口幾近溶化，加上濃郁的汁醬，非常美味。墊底的薯茸亦十分細滑，結合香口的紅蘿蔔及磨菇粒，成為了最佳配角，不愧為招牌菜色。
已不是首次嚐這裡的法式橙酒煮薄餅，軟潤的餅皮夾著絲絲橙皮同吃，口感很合心，味道香甜之餘，還散發出濃濃酒香，是永遠也令人滿足的經典法式甜品。
餐後呷口咖啡，才是至高無上的享受。
下次，我要去Public食嘢掟鏢篤波！
餐廳資料:
Plat du Jour
乜咁橋呀老友！
回覆刪除係呢...
刪除見到份薄餅就想食啦！
回覆刪除諗起又想食
刪除