食物：$$$$
環境：$$$$
服務：$$$$
沙田型格新酒店 Alva Hotel by Royal，孤陋寡聞既筆者係首次前去，幸好地方不難找，從第一城站出，跟著谷哥大神地圖指示，七分鐘左右便到達。
日本餐廳源峰Mizutani位於酒店頂樓，居高臨下加上時尚裝潢，一進去已經覺得吸引。餐廳兩端更設有酒吧區，朋友未到之前，可以先飲番杯。
食日本菜有度好，可以懶得就懶，由師傅發辦，只要說出有什麼東西不吃就是。
朋友生日咁高興，陪大家飲少少吧，選好了別緻的清酒杯，喝上店家自家品牌的Sake。偏甜的味道，容易入口。
前菜端上，賣相令我想起荷塘月色，或者係我此刻心情沉鬱。蕃茄、水茄子、蒪菜以及白粟米，混入酸香醒胃的啫喱汁，清新的好開始。
接下來係刺身，吞拿一魚兩吃，刺身以及火炙吞拿，造出兩個不同口感與層次，師傅巧妙地把炸至香脆的紫蘇葉作點綴，再醮以蛋黃醬來減輕膩滯感，有心思。
店員再奉來港人至愛的生蠔，日本蠔身型都好魁梧，蠔肉肥美又爽身，裙邊位帶脆而不韌，簡單佐以酸汁，清新美味。
再來的一碟，有兩款食材，鮑魚及深海池魚刺身。爽口又味濃的池魚，素來是我喜歡的東西，師傅刨上了烏魚子碎，多一份咸鮮的味道，效果挺不錯。鮑魚片得不會太厚，所以唔會韌得過份，反而配上的肝汁，有點太甜。
還有白蝦壽司與北海道海膽的組合，幾乎透明的白蝦，鮮甜可口，跟上原隻海膽，將之一拼放入口，鮮上加鮮。旁邊的蟹仔經炸過，也是可以吃的，不過我曾別的地方嚐過又硬又巉口的，留下了陰影，始終沒勇氣再次挑戰，但大家也一致讚賞。
和牛海膽壽司，簡直是以本傷人的項目。超大的一片肥美和牛狠狠蓋過飯糰，浮誇至極。將之捲起來吃，入口溶化，連埋頂頭大撮的北海道海膽，大概可形容作幸福的味道吧！
蟹肉蟹羔壽司，自行將紫菜包裹著來吃，滿意。
來埋最後四件壽司，海鰻、赤貝、醬油漬吞拿，以及肥美的中拖羅，各具個性，爽脆的赤貝及溶在口中的拖羅，大家交口稱譽。
飽得幾乎獲利回吐，麵豉湯我只能淺嚐幾口，但紅豆豆乳奶凍太精彩，再飽也吞下了大半。
最後，給壽星女點點生日驚喜，時候也不早，眾人也要抱著巨肚子離開。
很開心的一夜，來年來日，還有這個機會嗎?
滿足到不行的一夜！
回覆刪除飽到反肚~
刪除喺韓國街頭試過近似嘅蟹仔後，我都有呢種唔想再試嘅感覺。^^"
回覆刪除終於有人明白我 XDDD
回覆刪除